0126 – 0127 扭蛋劇場 非安全地帶
N: 今日之內，一定要趕到深水涉。
D: 中尉，深水涉太危險喇。
N: 冇辦法，佐敦油麻地一帶都已經失守，我地嘅基地。就剩返深水涉。
D: 如果佐敦油麻地啲補給已經處理好呢？
N: 醒下啦，佐敦係唔會處理好，上面冇一樣係處理得好！資源分配永遠都唔公均，我地連工具都搶唔到！
N: 你望下張相，認唔認得佢地呀？
D: 認得。
N: 你再慢一步，以後就剩係睇相先見到佢地。
D: 而家啲資訊太亂，上網睇到啲人指路，但係太多假消息喇。
N: 冇辦法架喇，我地而家只可以靠我地自己大家，團員之間嘅通訊。
D: 靠我地自己大家……即係我地自己定係大家呀？
N: 我地自己，就等於大家！
D: 但係佢地都可能會有鬼，會唔會為咗轉移視線，等自己買到……。
N: 唔會架！入得嚟高達群組，就係兄弟！
D: 買少一日唔會死架……不如算啦阿檸。
N: 喂！我講咗幾多次呀？傾高達嘅時候，嗌返我中尉呀，個group度人人都係咁嗌我架！
D: Sorry中尉……
N: 唉仲未放工……出到去實賣晒啦……
D: 你咁樣買法……都唔知第時點。
N: 唔好講第時點喇，諗咗現時點先啦。
D: 現時點？
N: 唔知大家現時點呢？
D: 應該就唔會幫你買囉。
Btw, 高達群組：
https://t.me/oregagundam
Search